Զինվորականը պատժվեց։ Ժամկետային զինծառայող, 18-ամյա Նարեկ Ավետիսյանի աչքը վնասած ենթասպա Արմեն Թովմասյանին դատարանը դատապարտել է 3 տարի 6 ամիս ազատազրկմամբ: Արմեն Թովմասյանին մեղադրանք էր առաջադրվել այն բանի համար, որ հանդիսանալով զորամասի ճաշարանի պետ-խոհարար հրահանգիչ, 2011թ. դեկտեմբերի 14-ին, զորամասի ճաշարանի սրահում բռունցքով հարվածել է նույն զորամասի շարքային Նարեկ Ավետիսյանի դեմքին, այնուհետև մարմնական վնասվածք պատճառելու դիտավորությամբ քաշել նրան և հայհոյելով իր ձեռքին գտնվող երկաթյա շղթայով հարվածել է վերջինիս դեմքին` պատճառելով աջ աչքի ծանր մարմնական վնասվածք: