Թուրքիայի հայտնի Գալաթասարայ լիցեյի շրջանավարտների կողմից ստեղծված Գալաթասարայցիների միությունը տարվա մրցանակը հանձնել է ստամբուլահայ հայտնի տնտեսագետ Տարոն Աջեմօղլուին: Հանդիսավոր մրցանակաբաշխությունը տեղի է ունեցել Գալաթասարայ լիցեյի դահլիճում, որին ներկա են գտնվել բազմաթիվ հայտնի տնտեսագետներ: Գալասարայցիների միության կայք էջում հրապարակված հայտարարության մեջ նշվում է, որ իրենց կազմակերպությունը 1908 թվականից ամեն տարի մրցանակ է հանձնում այն քաղաքացիներին, ովքեր իրենց միջազգային գործունեությամբ մեծ օգուտներ են տվել Թուրքիային։ Կազմակերպության հերթական համաժողովի ժամանակ միաձայն որոշում է կայացվել մրցանակը հանձնել համաշխարհային տնտեսագիտության մեջ իր որույն տեղն ունեցող Ստամբուլում ծնված Տարոն Աջեմօղլուին ով տնտեսագիտական վերլուծական կազմակերպության կողմից հրապարակված տվյալների համաձայն, աշխարհում ամենաշատ վկայակոչվող 20 տնտեսագետների մեջ է մտնում` զբաղեցնելով 8-րդ տեղը, երբ Նոբելյան մրցանակի դափնեկիր պրոֆեսոր Փոլ Կրուգմանը այդ ցուցակում 13-րդ տեղն է: