Երևանի քաղաքապետարանը և Ամերիաբանկը համատեղ հունիսի 1-20-ն անցկացրել են "Երազանքների պատ" ծրագիրը: Մայրաքաղաքի բնակչությանը և հյուրերին հնարավորություն է ընձեռվել ներկայացնել մայրաքաղաքի արտաքին ձևավորման առնչությամբ իրենց կարծիքներն ու առաջարկությունները: Մայրաքաղաքի տարբեր հատվածներում տեղադրված "Երազանքների պատերին", ինչպես նաև քաղաքապետարանի և "Ամերիաբանկի" Facebook-ի էջերում, եղել են բազմաթիվ երազանքներ: Ծրագրի համատեքստում առաջին նվերը երևանցիներին կմատուցվի հունիսի 26-ին: Հաշվի առնելով Երևանում եռաչափ պատկերներով ձևավորում ունենալու մասին երազանքների պատերին տեղ գտած բազմաթիվ խնդրանքները` կազմակերպիչների նախաձեռնությամբ Շառլ Ազնավուրի հրապարակի սալահատակն ամբողջությամբ կձևավորվի եռաչափ պատկերներով: