Գյումրիում սպանության դեպք է գրանցվել: Հունիսի 16-ին 21.30-ի սահմաններում դանակից ստացած բազմաթիվ վնասվածքներով ծանր վիճակում Գյումրիի վիրաբուժական հիվանդանոց է տեղափոխվել Լալայան փողոցի բնակչուհի 1935թ-ին ծնված Ռոզա Մովսեսի Խաչատրյանը, ով հիվանդանոցում մահացել է: Ռոզա Խաչատրյանը ապրել է միայնակ: Հայտնի է դարձել սպանություն կատարողի անձի ինքնությունը, նա նույն թաղամասի բնակիչ 1991 թ-ին ծնված Հարություն Հարությունյանն է: Թե ինչն է դրդել նրան սպանել կնոջը, դեռ հայտնի չէ, իսկ առաջ քաշված վարկածները քննչական բաժինը նախաքննության շահերից ելնելով՝ չի հրապարակում: Հարություն Հարությունյանը ձերբակալված է: