1996 թվականի հունիսի 15-ին Ազգային Ժողովը այս օրը հռչակեց որպես Հայաստանի պետական խորհրդանշանների` դրոշի, զինանշանի և օրհներգի օր: 2009-ին մշակույթի նախարարությունը, իսկ այնուհետև նաև ազգային արժեքների պահպանման հիմնադրամը կառավարությանն առաջարկեցին պետական խորհրդանշանների հանրահռչակման ծրագիր իրականացնել: Եվ արդեն երրորդ տարին է` հանրապետության վարչապետի հովանու ներքո նշվում է այդ օրը: Պետական խորհրդանշանների օրը այս տարի ևս կնշվի երիտասարդական քայլերթով, որը մեկնարկելու է երեկոյան ժամը 19 անց 30 րոպեին Մատենադարանից և ավարտվելու է Հանրապետության հրապարակում` տոնական համերգով: