Արդեն չորրոդ տարին է Հայ խոհարարական ավանդույթների պահպանման և զարգացման հասարակական կազմակերպությունը անցկացնում է “Հացը լեռներում” տոնա-ծիսական կերակարտեսակների ցուցահանդես: Հունիսի 12-ին Էրեբունի թանգարանի հարակից հրապարակում կմեկնարկի հերթական միջոցառումը այս շարքից: “Հացը լեռներում” փառատոնի անվանումն ու խորհրդանիշը ընտրվել է անվանի նկարիչ Գրիգոր Խանջյանի համանուն կտավի հիման վրա: Փառատոնի ժամանակ կներկայացվեն հայոց ազգային տոներին ընդունված կերակրատեսակները: Փառատոնը հագեցած կլինի նաև ազգային-ծիսական երգ ու պարով, թատերական ներկայացումներով: