Այսօր արտակարգ իրավիճակների նախարար Արմենի Երիցյանը նախարարության ստորաբաժանումների ղեկավարների հետ այցելել է Գառնիի երկրաֆիզիկական դիտարան և տեղում ծանոթացել առկա իրավիճակին: Քննարկվել է նաև դիտարանի վերագործարկման և զարգացման հեռանկարային ծրագրերը: Հիշեցնեմ, որ դիտարանը գտնվում է Գառնիի ակտիվ խզվածքի գոտում, որն ամենավտանգավորն է համարվում Երևանի համար: Կայանը եզակի է իր մի շարք հատկանիշներով և վերագործարկումը հնարավորություն կտա ավելի հուսալի դիտարկումներ իրականացնել և գնահատել սեյսմիկ վտանգը: