Արտակարգ Իրավիճակների նախարարությունը ահազանգ է ստացել, որ Երևանի 16-րդ թաղամասի թիվ 19 շենքի բնակարաններից մեկի բնակիչը գտնվում է հոգեկան անհավասարակշիռ վիճակում, սպառնում է հրդեհել բնակարանը. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ, հատուկ փրկարարական ջոկատի հերթապահ խումբը և Ճգնաժամային Կառավարման Կենտրոնի օպերատիվ խումբը` պարամեդիկներով: Ըստ աղբյուրի, մինչ փրկարարների կանչի վայր հասնելը` հարազատները բացել են բնակարանի դուռը և 27 ամյա բնակիչը փախել է տնից: Դեպքի մասին տեղյակ են պահվել 1-02 և 1-03 ծառայությունների աշխատակիցները: