Ոստիկանությունն այսօր ամփոփել է մայիսի 25-ին, "Վերջին զանգի" հանդիսությունների անվտանգությունն ապահովելուն ուղղված Ճանապարհային ոստիկանության ուժեղացված ծառայության և ձեռնարկված հատուկ միջոցառումների արդյունքները: Ըստ տեղեկատվության, տուգանային հրապարակներ է տարվել 62 ավտոմեքենա, որից 32-ը մարզերում, 30-ը' մայրաքաղաքում: Ոստիկանությունը նշում է, որ երեկ հանրապետության ողջ տարածքում գրանցվել է վթարայնության ամենացածր ցուցանիշը, թե տարվա կտրվածքով, թե նախորդ տարիների համեմատությամբ' ընդամենը երկու ճանապարհատրանսպորտային պատահար, որոնք առնչություն չեն ունեցել "Վերջին զանգի" հանդիսությունների հետ: