Հայաստանում գործելու անցած երեք տարվա ընթացքում Հարավ-կովկասյան երկաթուղի ընկերությունը նորոգել է 160 կմ երկաթգիծ, փոխվել է 260 հազար փայտե և 7 հազար 700 երկաթբետոնե կոճղ։ Իսկ այսօրվանից արդեն Հարավ կովկասյան երկաթուղի ընկերությունում սկսում է գործել համակարգչային ծրագրավորմամբ հագեցած գծաչափ վագոն լաբորատորիան: Այն իրականացնելու է ռելսերի վիճակի ախտորոշումը, գծերի ավտոմատացված հսկողությունն և գնահատումը: Ծրագիրը հնարավորութուն ունի նաև մշակել տարվա կտրվածքով բոլոր տվյալները, համեմատել դրանք և վիճակագրություն ձևավորել: Ավտոմատացված տեխնիկան կարող է աշխատել ցանկացած եղանակի` անգամ ռելսերի սառցակալման ժամանակ: Այս վագոն լաբորատորիան անհամեմատ կմեծացնի գնացքների երթևեկության անվտանգության մակարդակը։ Վագոն լաբորատորիան միակն է Հայաստանում և կարող է օրական ստուգել 500 կմ երկաթուղագիծ: