Կառավարությունը որոշել է ևս մեկ տարով, այսինքն մինչև 2013 թվականի մարտի 31-ը երկարաձգել գազի սակագնի արտոնությունից օգտվելու իրավունքը` սոցիալապես անապահով ընտանիքների համար: Որոշման համաձայն արտոնությունից կօգտվեն այն ընտանիքները, որոնք ունեն ընտանեկան նպաստի իրավունք: Հիշեցնենք, որ այսօր գործող որոշման համաձայն գազի սակագնի արտոնությունից օգտվում էին բոլոր նրանք, ովքեր հաշվառված էին ընտանեկան նպաստ համակարգում: Աշխատանքի և սոցիալական հարցերի նախարարի տվյալներով համակարգում հաշվառված ընտանիքների թիվը կազմում է 116 հազար, որոնցից նպաստ է ստանում 94 հազարը: