Այսօր ժամը 06.45-ին տեղեկություն է ստացվել, որ Երևանի Շենգավիթի Ոստիկանության բաժնի քննչական բաժանմունքի շենքում պայթուցիկ սարք է տեղադրված: Դեպքի վայր է մեկնել մեկ մարտական հաշվարկ, փրկարար ուժերի վարչության հատուկ փրկարարական ջոկատի հերթապահ խումբը, ճգնաժամային կառավարման կենտրոնի օպերատիվ խումբը, փրկարար ուժերի վարչության հրդեհաշիջման կազմակերպման բաժնի օպերատիվ խումբը: Դեպքի վայր ժամանած ոստիկանության կինոլոգիական ծառայության աշխատակիցներն իրականացրել են տարածքի զննում: Պայթուցիկ սարք չի հայտնաբերվել: Իսկ զանգողին, ով նախ մայիսի 9-ի առիթով է շնորհավորել և հետո հայտնել տեղադրված ռումբի մասին, ոստիկանության աշխատակիցների նախնական տվյալներով կհաջողվի կարճ ժամանակում հայտնաբերել, կատարվում է քննություն: