Միքաելյանի անվան վիրաբուժության ինստիտուտում այսօր կայացել է բուժհաստատության նախկին տնօրեն Համլետ Թամազյանի հիշատակին նվիրված հուշարձանի բացումն ու գրքի շնորհանդեսը: Գիտությունների դոկտոր, պրոֆեսոր Համլետ Թամազյանը 5 գյուտի, 4 մեթոդական ձեռնարկի և 231 գիտական աշխատության հեղինակ է: Նրա շնորհիվ հայկական վիրաբուժության մեջ ներդրվել են թերապևտիկ և ախտորոշման ժամանակակից մեթոդներ: Մեծ է եղել նրա ներդրումը նաև 1988-ի երկրաշարժից տուժածներին և արցախյան պատերազմում վիրավորվածներին բարձրակարգ բուժօգնություն ցուցաբերելու գործում: