Երեկ գիշեր խմբակային վրաերթ է տեղի ունեցել Երևանում: Ժամը 22-ի սահմաններում Օպել Վեկտրա մակնիշի ավտոմեքենան Հերացի փողոցում վրաերթի է ենթարկել 4 հոգու և դիմել փախուստի: 54-ամյա Հակոբ Դավթյանին, 63-ամյա Թագուշ Ղազարյանին, 51-ամյա Արևհատ Դավթյանին և 57-ամյա Նազելի Թութուլյանին տեղափոխել են հիվանդանոց: Արևհատ Դավթյանը հիվանդանոցում մահացել է: Ավելի ուշ ոստիկանները Ավան վարչական շրջանի Ծարավ Աղբյուր փողոցում հայտնաբերել են վրաերթի ենթարկած ավտոմեքենան: Ավտոմեքենայում հայտնաբերվել է 59-ամյա Վահան Ստեփանյանի վարորդական իրավունքի վկայականը: