Ոստիկանությունն այսօր հաղորդագրություն է տարածել, ըստ որի երեկ երեկոյան Գյումրիի "Մայր Հայաստան" հուշահամալիրի հարևանությամբ` "Սև Բերդ" տանող ճանապարհին, հայտնաբերվել է "Մերսեդես" մակնիշի ավտոմեքենա` ղեկին Կարեն Եսայանի դիակը` գլխի մասում հրազենային վնասվածքի հետքով: Փաստի առթիվ հարուցվել է քրեական գործ: Ըստ շրջանառվող լուրերի` սպանվածը Գյումրիի քաղաքապետ Վարդան Ղուկասյանի դստեր փեսացուն է: Գյումրիում կատարված սպանության գործով արդեն կան ձերբակալվածներ, սակայն նախաքննության շահերից ելնելով նրանց ինքնությունն առայժմ գաղտնի է պահվում: