Սեյսմակայուն շինարարություն` խնդիրներն ու նոր տեխնոլոգիաները: Ինչն է խանգարում ավելի ամուր շենքեր կառուցելուն և ինչու չնայած նաև նորագույն տեխնոլոգիաների ներդրմանը` երկրաշարժի հետևանքով աշխարհում տարեկան զոհվում է միջինը 200 հազար մարդ: Այս հարցերի շուրջ այսօր հեռուստակամուրջ էր կազմակերպվել Երևանի, Աստանայի, Մոսկվայի և Քիշնևի միջև: Մասնագետները նշել են, որ սեյսմակայուն շինարարության չափանիշները տարբեր երկրներում տարբեր են,սակայն խնդիրները ընդհանուր են` որպես կանոն 1 բալի տարբերությամբ ճիշտ չի հաշվարկվում տարածքի սեյսմակայունությունը, չի կատարվում պատշաճ հսկողություն շինարարության նկատմամբ: Հայաստանում 2006 թվականից գործում են սեյսմակայուն շինարարության նոր չափորոշիչներ, դրանք սակայն տարեց տարի վերանայման և ճշգրտման կարիք ունեն: