Այսօր ժամը 13:25 -ին 1-02 ծառայություն զանգահարել է մի անձ և հայտնել, որ իր էլեկտրոնային փոստին եկած նամակում գրված է, որ Ալիխանյան եղբայրներ փողոցի 22 հասցեում գտնվող Ֆիզիկայի ինստիտուտի 22-րդ մասնաշենքում պայթուցիկ սարք է տեղադրված: Անմիջապես նշված հասցե է մեկնել երկու մարտական հաշվարկ և հրդեհաշիջման բաժնի օպերատիվ խումբը: Ֆիզիկայի ինստիտուտի աշխատակիցները շենքից տարհանվել են իսկ իրականացված կինոլոգիական հետազոտության արդյունքում ռումբ չի հայտնաբերվել, ահազանգը կեղծ է եղել: Ոստիկանությունը միջոցներ է ձեռնարկում կեղծ ահազանգի հեղինակին հայտնաբերելու ուղղությամբ: