Արտակարգ պատահարներ հանրապետության հյուսիսում: Լոռու մարզում երեկ ժամը 21-ի սահմաններում վթարվել է "Գազել" մակնիշի ուղևորատարը: Ալավերդիի միջքաղաքային 5 համարի երթուղին սպասարկող մեքենան Թումանյան փողոցի վրա բախվել էր պատին ու շրջվել գետը: Վարորդը և ուղևորն ինքնուրույն կարողացել են դուրս գալ և կանգնել մեքենայի վրա, այնուհետ օգնության են հասել փրկարարները ու նրանց տեղափոխել Ալավերդիի բժշկական կենտրոն: Վարորդի և ուղևորի վիճակը բժիշկները գնահատում են միջին ծանրության: