Այսօր կեսօրին ավտովթար է տեղի ունեցել Գյումրի-Երևան ավտոճանապարհի Ազատան գյուղի հատվածում: Բախվել են Լենդ Ռովեր մակնիշի մարդատարը և Գազ 56 մակնիշի բեռնատարը: Ըստ ականատեսների մարդատարը ուղևորվելիս է եղել Երևանից Գյումրի , իսկ հանդիպակաց ընթացել է բեռնատարը: Ձյունածածկ ու մերկասառույց ճանապարհին մեքենաները դարձել են անկառավարելի, ինչի պատճառով էլ տեղի է ունեցել բախում: Մարդատար մեքենայի անվտանգության բարձիկների շնորհիվ վարորդն ու կողքին նստած ուղևորը մարմնական թեթև վնասվածքներ են ստացել: Երրորդ ուղևորը ստացել է կոտրվածքներ և տեղափոխվել Գյումրիի վիրաբուժական հիվանդանոց: Վթարի հետեւանքով ավտոմայրուղին ավելի քան 2 ժամ փակ է եղել: