Թբիլիսիում կանխվել է Վրաստանում Իսրայելի դեսպանի վարորդի ավտոմոքենայի պայթյունը: Ավտոմեքենայի ներքևի մասում ամրացված սև փաթեթը պատահմամբ նկատել է հենց վարորդ Ռոման Խաչատուրյանը և ահազանգել ոստիկանություն: Տեղ հասած սակրավորները փաթեթի պայթուցիկը վնասազերծել են: Միջադեպի կապակցությամբ Իսրայելի դեսպանությունն առայժմ հայտարարություն չի արել: Ի դեպ, այսօր մեքենայի մեջ տեղադրված ռումբ է պայթել Նյու Դելիում Իսրայելի դեսպանատան դիմաց։ Վիրավորվել է մի կին։ Առայժմ պարզ չէ, թե արդյոք միմյանց հետ կապ ունի Վրաստանում և Հնդկաստանում պատահածը։