Այսօր տեղի է ունեցել ռազմական բժիշկ Վահե Ավետյանի հուղարկավորությունը, որին մասնակցել են հարյուրավոր քաղաքացիներ: Կեսօրին Ավետյանի հարազատներին է այցելել պաշտպանության նախարար Սեյրան Օհանյանը։ Մինչև հուղարկավորությունը կազմակերպվել է բողոքի երթ: Մասնակիցները, որոնց թվում մտավորականներ, մշակույթի ու քաղաքական գործիչներ են եղել, նշել են որ հասարակությունը, իշխանությունները պետք է ամեն ինչ անեն, որպիսի նման դեպքեր այլևս չլինեն: Հիշեցնենք որ Վահե Ավետյանը և մի խումբ այլ ռազմական բժիշկներ դաժան ծեծի էին ենթարկվել "Հարսնաքար" ռեստորանային համալիրում հունիսի 17-ին: Վահե Ավետյանը մահացավ 12 օր անց, գիտակցության չգալով: