Պաշտպանության նախարար Սեյրան Օհանյանը այսօր այցելել է հանրապետական կենտրոնական զորակոչային հավաքակայան` ծանոթանալու գարնանային զորակոչի ընթացքին։ Նախարարը զրուցել է նորակոչիկների ու բժշկական զորակոչային հանձնաժողովի անձնակազմի հետ: Հավաքակայանի զինվորական բարձրաստիճան պաշտոնյաների հետ քննարկվել է նորակոչիկների բաշխման խնդիրը։ Նախարարն այսօր ցուցում է տվել ստեղծել ևս մեկ հանձնաժողով, որի խնդիրը լինելու է նորակոչիկների շարքերից ընտրել այն երիտասարդներին, ովքեր իրենց ծառայությունը կանցկացնեն ուսումնական զորամասերում: Սեյրան Օհանյանի գնահատմամբ, զորակոչը ընթանում է նորմալ հունով և սահմանային վերջին միջադեպերը զորակոչի ընթացքի վրա որևէ ազդեցություն չեն ունեցել: