Վերջին մի քանի օրերին ադրբեջանական զորքերն սկսել են շփման գծում ավելի ինտենսիվորեն խախտել հրադադարի պահպանման ռեժիմը: ԼՂՀ պաշտպանության բանակի մամուլի ծառայությունից հայտնում են, որ ապրիլի 24-ին արևելյան ուղղությամբ տեղակայված հայկական դիրքերի վրա հակառակորդը "ԻՍՏԻԳԼԱԼ" զինատեսակով կրակել է սանիտարական մեքենայի վրա, որի հետևանքով վիրավորվել են ՊԲ զինծառայողներ Անդրանիկ Գևորգի Մադոյանը և Էռնեստ Միքայելի Սարգսյանը: Հիշեցնենք, երեկ հրադադարի խախտման դեպք էր տեղի ունեցել Տավուշի մարզի Դովեղ գյուղում: Մոտ 30 րոպե տևողությամբ անկանոն կրակահերթեր էին հնչել գյուղի մանկապարտեզի, դպրոցի ուղղությամբ: