Ոստիկանությունից տեղեկացնում են, որ արագ բացահայտվել է Ջրաշեն գյուղում տեղի ունեցած սպանությունը: Երեկ երեկոյան ոստիկանները բերման են ենթարկել Ջրաշեն գյուղի բնակիչ, 1989 թ. ծնված Գևորգ Սարգսյանին: Նա խոստովանել է, որ մարտի 21-ին, ժամը 15.00-ի սահմաններում, Չինար Խուդոյանին դանակահարել և սպանել է ինքը: Սարգսյանի մոտ հայտնաբերվել է սպանությունից հետո Չինար Խուդոյանից հափշտակած և իրեղեն ապացույց հանդիսացող Սամսունգ բջջային հեռախոսը: Նախաքննությունը շարունակվում է: