Գերմանիան հանդես է գալիս Ղարաբաղյան հակամարտության խաղաղ կարգավորման օգտին: Այդ մասին այսօր հայտարարել է Գերմանիայի արտաքին գործերի նախարար Գիդո Վեսթերվելը: Նա նշել է, որ Գերմանիայի կառավարությունը հանդես է գալիս տարածքային ամբողջականության և ազգերի ինքնորոշման իրավունքի սկզբունքների հավասարության օգտին: Գերմանացի դիվանագետը նաև նշել է, որ հակամարտության մեջ ստատուս-քվոն չի կարող երկարատև լինել, իսկ խաղաղ կարգավորումը տարածաշրջանում դիվիդենտներ կբերի բոլորին: Ուստիև, նրա խոսքով, փոխհամաձայնեցված տարբերակը պետք է փնտրել ԵԱՀԿ Մինսկի խմբի շրջանակներում: