Այսօր հանդիպել են Ավստրայի ու Հայաստանի առաջին տիկնայք: Նրանք զրուցել են երկու երկրների մշակութային կապերի զարգացման, ինչպես նաև սոցիալական և բարեգործական բնույթի ծրագրերի մասին: Հանդիպումից հետո Մարգիթ Ֆիշերն ու Ռիտա Սարգսյանն այցելել են Երևանի պետական լեզվաբանական համալսարանի ավստրիական գրադարան։ Համալսարանում այդ գրադարանը գործում է 2010 թվականից, այն սերտորեն համագործակցում է Ավստրիայի մշակույթի նախարարության հետ։ Այնուհետև նրանք այցելել են նաև Հայաստանի պատմության թանգարան։ Թանգարանային շրջագայությունը բավականին երկար է տևել, քանի որ Մարգիթ Ֆիշերը քաջածանոթ լինելով Հայաստանի պատմությանը, ցանկություն է հայտնել տեսնել այն ամենը, ինչի մասին լսել կամ կարդացել է։