Նոր կազմավորված կառավարությունում, ինչպես արդեն հայտնի է նշանակվել են հինգ նոր նախարարներ, Գործադիրի ղեկավար Տիգրան Սարգսյանը այսօր գերատեսչությունների աշխատակազմերին է ներկայացրել նորանշանակ նախարարներին: Տրանսպորտի և կապի ոլորտը կղեկավարի Գագիկ Բեգլարյանը, քաղաքաշինությանը` Սամվել Թադևոսյանը, աշխատանքի և սոցիալական հարցերի նախարարությունը` Արտեմ Ասատրյանը, առողջապահությունը` Դերենիկ Դումանյանն, իսկ սպորտի ու երիտասարդության հարցերի նախարարությունը` Հրաչյա Ռոստոմյանը, Վարչապետ Սարգսյանը շնորհակալություն է հայտնել այդ գերատեսչությունների նախկին ղեկավարներին, լավ աշխատանքի համար, և նշել, որ բարեփոխումների այն ծրագրերը, որոնց իրականացման մեկնարկը տրվել էր նախկին նախարարների օրոք, կշարունակեն իրականացվել նոր ղեկավարների կողմից: