Նախագահ Սերժ Սարգսյանը, ղեկավարվելով Հայաստանի Հանրապետության Սահմանադրության 55-րդ հոդվածի 4-րդ կետով, այսօր նշանակել է ՀՀ կառավարության անդամներին: Մասնավորապես, Հանրապետության ղեկավարի հրամանագրերով Սերգո Կարապետյանը նշանակվել է գյուղատնտեսության նախարար, Տիգրան Դավթյանը էկոնոմիկայի նախարար, Վաչե Գաբրիելյանը ՀՀ ֆինանսների նախարար, Գագիկ Բեգլարյանը տրանսպորտի և կապի նախարար, Արտեմ Ասատրյանը աշխատանքի և uոցիալական հարցերի նախարար, Դերենիկ Դումանյանը առողջապահության նախարար, Հրայր Թովմասյանը արդարադատության նախարար, Արամ Հարությունյանը բնապահպանության նախարար, Արմեն Մովսիսյանը էներգետիկայի և բնական պաշարների նախարար, Արմեն Աշոտյանը կրթության և գիտության նախարար, Հասմիկ Պողոսյանը մշակույթի նախարար, Հրաչյա Ռոստոմյանը սպորտի և երիտաuարդության հարցերի նախարար, Հրանուշ Հակոբյանը սփյուռքի նախարար, Սամվել Թադևոսյանը քաղաքաշինության նախարար, Արմեն Գևորգյանը տարածքային կառավարման նախարար: Նախագահի մեկ այլ հրամանագրով, տարածքային կառավարման նախարար Արմեն Գևորգյանը նշանակվել է փոխվարչապետ: Կառավարությունը նոր կազմով իր առաջին նիստը կգումարի երկուշաբթի օրը, հունիսի 18-ին: