Հայ-ադրբեջանական սահմանային միջադեպերին է անդրադարձել նաև ռազմական փորձագետ` Արծրուն Հովհաննիսյանը: Նրա պնդմամբ բացի ներքին ու արտաքին քաղաքական դրդապատճառներից, վերջին միջադեպի հետևում հնարավոր է, որ լինի նաև ռազմական գործոնը: Խնդիրն այն է, որ այս օրերին եռօրյա այցով Ադրբեջանում են գտնվում նաև Թուրքական բանակի բարձրաստիճան պաշտոնյաները: Ռազմական փորձագետի հավաստմամբ, գաղտնիք չէ, որ ադրբեջանցի դիվերսանտները հիմնականում վերապատրաստվում են թուրքական բանակում, և այս միջադեպով թուրքական կողմը նաև փորձել է ստուգել վերապատրաստված զինվորականների մասնագիտական պատրաստվածությունը: