Անցած գիշեր Ադրբեջանի Զինված ուժերի ստորաբաժանումները կրկին փորձել են խախտել Հայաստանի պետական սահմանը: Տավուշի մարզի Ոսկեպար գյուղի մերձակայքում 15-20 հոգուց բաղկացած ադրբեջանական զինված դիվերսիոն խումբը փորձել է ներխուժել Հայաստանի տարածք: Հայ դիրքապահների զգոնության շնորհիվ դիվերսիոն խումբը հայտնաբերվել և վնասազերծվել է: Ադրբեջանական կողմից, ըստ նախնական տվյալների, կա հինգ զոհ, բազմաթիվ վիրավորներ: Հայկական կողմից զոհեր և վիրավորներ չկան: Հիշեցնեմ, որ հունիսի լույս 4-ի գիշերը, Տավուշի մարզի սահմանամերձ Չինարի և Բերդավան գյուղերի ուղղությամբ, Ադրբեջանի կողմից դիվերսիոն գործողությունների հետևանքով զոհվել էր 3 և վիրավորվել` հայկական բանակի 6 զինծառայող: Հորիզոնի նկարահանող խումբը երեկ եղել է դեպքի վայրում: