Այսօր ԵԱՀԿ գրասենյակի աջակցությամբ ոստիկանությունում կազմակերպվել է հանդիպում հունիսի 1-ից Երևանում ներդրվող համայնքային ոստիկանության նոր մոդելի վերաբերյալ: Գրասենյակն արդեն մի քանի տարի աջակցում է Հայաստանում ոստիկանական պրակտիկայի ներդրմանն ու իրագործմանը և այս գործում կշարունակի իր աջակցությունը: Երևան քաղաքում նախատեսվում է ստեղծել համայնքային ոստիկանական ստորաբաժանումներ, որտեղ կներգրավվի մոտ 300 ոստիկան: ՀՀ ոստիկանության պետի տեղակալ Արթուր Օսիկյանը նշել է, որ համայնքային ոստիկանությունը գործունեության յուրահատուկ ուղղություն է, որը հիմնված է ոստիկանության և համայնքի սերտ համագործակցության վրա։