Այսօր առավոտյան ուշագրավ դեպք է տեղի ունեցել Պռոշյան փողոցում: Սերժ Սարգսյանի մեքենան շատ անսպասելի կանգ է առել, նախագահը դուրս է եկել և մոտեցել է փողոցի մայթին բողոքի ակցիա անցկացնող ցուցարարներին: Ակցիայի մասնակիցները, Սերժ Սարգսյանին ներկայացրել են թաղամասի եկեղեցու հարևանությամբ բազմաբնակարան շենքի կառուցման տեմպերի մասին իրենց մտահոգությունները: Նրանք այդ շենքում պետք է բնակարաններ ստանան: Նախագահը վստահեցրել է, որ ամեն ինչ գտնվում է իր վերահսկողության տակ և անհանգստանալու կարիք չկա: Ըստ ականատեսների. նախագահի այս հավաստիացումներն ակցիայի մասնակիցներն ընդունել են ծափերով: