ԱԻՄ-ի ղեկավարի համոզմամբ` խորհրդարանական ընտրություններով վճռվեց նաև նախագահական ընտրությունների հարցը, քանի որ Հանրապետական կուսակցությունն ըստնրա դարձել է դրության տերը։ Նախագահական ընտրությունները Հայրիկյանի գնահատմամբ, այլևս ոչ մի նշանակություն չունեն, քանի որ ով էլ ընտրվի նախագահ, եղանակ թելադրողը կշարունակի մնալ խորհրդարանում մեծամասնություն կազմող Հանրապետական կուսակցությունը։ Չնայած այդ հանգամանքին Հայրիկյանն անձամբ պատրաստվում է նախագահական ընտրություններում առաջադրել իր թեկնածությունը, պնդելով, որ իր քայլը ավելի շատ երկրի հանդեպ բարոյական պարտքի կատարում կլինի, քանզի նա համոզված է, որ ընտրություններում հաղթելու է Սերժ Սարգսյանը։ Ի դեպ, Հայրիկյանը չի բացառել նաև ընդդիմադիր ուժերի կոալիցիայի ձևավորումը, սակայն դա նրա համոզմամբ ոչ մի էական ազդեցություն չի ունենալու: