Հանրապետական կուսակցության նախագահ Սերժ Սարգսյանին ուղերձ է հղել Եվրոպայի ժողովրդական կուսակցության նախագահ Ուիլֆրիդ Մարթենսը: Ուղերձում մասնավորաբար ասված է` "Ցավով տեղեկացա մայիսի 4-ին ՀՀԿ-ի հանրահավաքի ժամանակ Երևանում տեղի ունեցած ողբերգական պատահարի մասին, որի հետևանքով մարդիկ տուժեցին: Ընդունեք իմ կարեկցանքը և պատրաստակամությունը` կատարվածի հետևանքները հաղթահարելու առնչությամբ: Մենք աղոթում ենք տուժածների համար և մեր աջակցությունն ենք հայտնում նրանց ընտանիքներին և մտերիմներին: Չնայած այդ ցավալի միջադեպին` Ձեր կուսակցությունը ընտրությունների արդյունքում գերազանց հաջողություն է արձանագրել: Ավելին` Հայաստանի Հանրապետությունում 2012-ի մայիսի 6-ին կայացած խորհրդարանական ընտրությունները հիմնականում ազատ և արդար են համարվել, դրանք անցել են բարեփոխված իրավական հիմքով, կազմակերպվել են համընդհանուր արհեստավարժ և թափանցիկ միջավայրում",- կարծիք է հայտնել համաեվրոպական կուսակցության առաջնորդը: