Հայ Հեղափոխոխական Դաշնակցության Գերագույն Մարմինն այսօր հայտարարություն է տարածել խորհրդարանական ընտրությունների վերաբերյալ: Դաշնակցականները նախ շնորհակալություն են հայտնել այն ընտրողներին, ովքեր քվեարկել են իրենց օգտին, ապա ցավ են հայտնել, որ ընտրություններն, ըստ իրենց, չարձանագրեցին ժողովրդի կամքը և քաղաքական ուժերի իրական հարաբերակցությունը: Դաշնակցությունը գտնում է, որ ընտրության արդյունքների վրա մեծապես ազդել է աննախադապ ծավալների ընտրակաշառքը: Իսկ դա, ըստ դաշնակցականների, նշանակում է, որ քաղաքական ուժերը, այդ թվում Դաշնակցությունը, դեռ չեն կարողացել հասարակության մեջ ազատ քաղաքացու, արժանապատվորեն ընտրություն կատարողի գիտակցություն արմատավորել: