Մայիսի 4-ին, ժամը 19.37-ին ահազանգ է ստացվել, որ Հանրապետության հրապարակում տեղի է ունեցել գազով լիցքավորված փուչիկների պայթյուն, կան տուժածներ: Պազրվել է, որ դեռևս չբացահայտված հանգամանքներում տեղի է ունեցել գազով լիցքավորված փուչիկների պայթյուն` հրդեհի բռնկումով, ինչի հետևանքով տարբեր մարմնական վնասվածքներով մայրաքաղաքի հիվանդանոցներ են հոսպիտալացվել քաղաքացիներ: Այս պահի դրությամբ հոսպիտալացված 154 քաղաքացիներից 80-ը դեռևս գտնվում են հիվանդանոցներում, օրվա ընթացքում արդեն դուրս են գրվել 14 հիվանդ: Այս ժամերին ևս շարունակվում են ապաքինված մարդիկ դուրս գրվել: