Հանրապետության նախագահն այսօր այցելել է պաշտպանության նախարարություն: Սերժ Սարգսյանը լսել է պաշտպանության նախարարի և զինված ուժերի գլխավոր շտաբի պետի զեկույցները` բանակաշինության, զինված ուժերի մարտունակության բարձրացման ուղղությամբ իրականացվող աշխատանքների ընթացքի վերաբերյալ, ինչպես նաև վերջին ամիսներին տարածաշրջանում և դրանից դուրս ռազմաքաղաքական ընդհանուր իրադրության, հայ-ադրբեջանական շփման գծում օպերատիվ իրավիճակի, դրա զարգացման միտումների և սահմանագծում անդորրը պահպանելու ուղղությամբ ձեռնարկվող անհրաժեշտ միջոցառումների մասին: Զինված ուժերի գերագույն գլխավոր հրամանատարը հանձնարարել է խստացնել մարտական հերթապահությունը հայ-ադրբեջանական շփման գծում, շարունակական միջոցներ ձեռնարկել մարտունակության և կարգապահության բարձրացման ուղղությամբ: