Հայաստան է ժամանել Ուրուգվայի արտաքին գործերի նախարար Լուիս Ալմագրոն: Հայաստանի արտաքին գործերի նախարարի հետ քննարկվել են երկկողմանի կապերի ընդլայնման, ինչպես նաև միջազգային հարթակներում համագործակցությանն առնչվող հարցեր: Այնուհետև նախարարները հանդիպում են ունեցել պատվիրակությունների ընդլայնված կազմով: Հիշեցնենք, որ Ուրագվայն աշխարհում առաջին երկիրն էր, որ դեռ 1965 թվականին պետական մակարդակով ճանաչել է Հայոց ցեղասպանությունը: Ուրուգվայը նաև առաջին երկրներից է, որ 20 տարի առաջ ճանաչել է Հայաստանի անկախ հանրապետությանը, և այս տարի կողմերը կնշեն դիվանագիտական հարաբերություններ սկսելու 20-րդ տարեդարձը: