Հայաստանի նախագահն այսօր Լոռու մարզում էր: Սերժ Սարգսյանին այնտեղ ներկայացվել է, թե ինչպես է լուծվում երկրաշարժի հետևանքով անօթևան մնացած ընտանիքների բնակարանային խնդիրը, ինչպես նաև գյուղական համայնքներում բնակարանային շինարարության ընթացքը: Ի դեպ, Արևաշող համայնքում նախագահն այցելել է Թադևոսյանների ընտանքին, որը հենց այսօր բնակարանամուտ էր տոնում: Ասենք նաև, որ այդ ընտանիքը միակը չէր` այսօր բնակարանների հավաստագրեր է ստացել Արևաշողի ևս 28 ընտանիք: Նախագահը այցելել է նաև Վանաձորի կարի ֆաբրիկա, եղել է Դիլիջանում կառուցվող միջազգային դպրոցի շինհրապարակում, ծանոթացել Հաղարծին վանական համալիրի վերակառուցման ընթացքին: