Նախընտրական մրցավազքին ընդառաջ այսօր Ազատության հրապարակում իր հերթական հանրահավաքն է անցկացրել Հայ ազգային կոնգրեսը։ Քանի որ պաշտոնական քարոզարշավը դեռ չի մեկնարկել, հանրահավաքի սկզբում կազմակերպիչները հայտարարել են, որ այդ պատճառով էլ անցկացնելու են զուտ տեղեկատվական բնույթի հավաք: Ազատության հրապարակում հավաքվածներին հիմնականում ներկայացվել են այն մոտեցումներն ու ծրագրերը, որոնք կդրվեն Հայ ազգային կոնգրեսի նախընտրական պայքարի հիմքում: Ոստիկանության հաղորդագրության համաձայն, հանրահավաքին մասնակցել է մոտ 4.800 մարդ: