Ոստիկանությունն այսօր հաղորդագրություն է տարածել ընտրացուցակների վերաբերյալ: Հայտարարության մեջ նշվում է, որ որոշ լրատվամիջոցներ պնդում են, թե իբր ընտրական ցուցակներում ոստիկանությունը միտումնավոր է ներառել մահացած անձանց տվյալներ: Ոստիկանությունը հայտարարում է, որ Նշված հրապարակումները իրականությանը չեն համապատասխանում և որոշակի պարզաբանումներ է ներկայացնում: Ըստ այդմ` քիչ չեն դեպքերը, երբ մահացածի հարազատները մահվան փաստը չեն գրանցում կամ ռեգիստր չեն ներկայացնում Հայաստանից դուրս մահացած քաղաքացու մահվան վկայականը: Արդյունքում` ռեգիստրը չի իրազեկվում մահվան փաստի մասին և մահացածի տվյալները մնում են ընտրողների ցուցակներում: Ոստիկանությունը նաև կոչ է անում ընտրողների ցուցակներում մահացած անձնաց տվյալներ հայտնաբերելիս դիմել Անձնագրային և վիզաների վարչություն կամ զանգահարել 010-53-88-63 հեռախոսահամարով: Ոստիկանությունն անդրադարձել է նաև ընտրողների ռեգիստրի փոփոխություններին: