Այսօր ավարտվում է նախագահի այցը Սինգապուր: Երեկ Սինգապուրի նախագահ Թոնի Տան Քեն Յամի անունից տրվել է պետական ընթրիք: Ընթրիքին Սերժ Սարգսյանը խոսել է երկու ժողովուրդների բարեկամական կապերի մասին: Նախագահն ընդգծել է, որ չնայած սակավությանը, հայերն իրենց արժանի ներդրումն են ունեցել Սինգապուրի հասարակական և տնտեսական կյանքի ամենատարբեր ոլորտներում: Ի դեպ, այս տարի լրանում է երկու երկրների միջև դիվանագիտական հարաբերությունների հաստատման քսանամյակը: