Կառավարության այսօրվա նիստն արտագնա էր: Գործադիրը Կոտայքի մարզում անցկացված նիստում լսել է մարզպետի հաշվետվությունը: Գործադիրի հաստատմամբ գործելու է նաև բնապահպանական ֆոնդ, ազատականացվելու է սերմերի շուկան: Նիստում վարչապետը հիշեցրել է, որ կառավարության բոլոր անդամները, ովքեր մասնակցելու են առաջիկա ընտրություններին և քարոզարշավին, պետք է ապրիլի 1-ին արձակուրդի դիմում գրեն: Նրանք ովքեր կցանկանան արձակուրդ չգնալ և պաշտոնավարել, պետք է կուսակցությունների համամասնական ցուցակներից դուրս գան: Նիստում նաև քննարկվել են տեղեկատվական տեխնոլոգիաների ոլորտին աջակցություն ցուցաբերելու, երկրի գործարար միջավայրը բարելավելու հարցերը: