Ժառանգություն կուսակցության ղեկավար Րաֆֆի Հովհաննիսյանը այսօր անդրադարձել է Կենտրոնական ընտրական հանձնաժողովին ներկայացրած Ժառանգություն կուսակցության համամասնական ցուցակին: Նրա գնահատմամբ, դա մի աննախադեպ ցուցակ է, որը ծնվել է երկարատև և որակյալ քննարկումների արդյունքում: Ցուցակը կազմելիս Րաֆֆի Հովհաննիսյանի բնութագրմամբ Ժառանգությունում առաջնորդվել են ոչ թե նեղ անձնական կամ կուսակցական շահերով, այլ գաղափարների, մտքերի, այլընտրանքների ազատ մրցակցության և հավաքական միավորված թիմ կազմելու սկզբունքներով: Ժառանգություն կուսակցության լիդերը նաև համոզված է, որ խորհրդարանական ընտրությունները Հայաստանում կկազմակերպվեն ու կընթանան բարձր մակարդակով: