Այս շաբաթը Հայաստանի համար, կարելի է ասել,եվևրոպական շաբաթ է։ Նախ` Եվրամիությունը որոշեց սկսել Հայաստանի հետ բանակցությունները ազատ առևտրի շուրջ։ Իսկ այսօր Երևանում բացվեց Եվրոնեստ խորհրդարանական վեհաժողովի սոցիալական, կրթության, մշակույթի և քաղաքացիական հասարակության հարցերով հանձնաժողովի նիստը։ Ի դեպ, առաջին անգամն է, որ նիստը կայանում է Եվրախորհրդարանից դուրս։ Եվ նախագահ Սարգսյանն այսօր ընդունել է այդ նպատակով Հայաստան ժամանած պատգամավորների պատվիրակությանը: Նա ընդգծել է, որ Հայաստանն ի սկզբանե ողջունել է Եվրամիության երկրների և արևելյան հարևանների միջև համագործակցության խորհրդարանական պլատֆորմի` Եվրոնեստի հիմնումը և համարում է, որ այն կարող է դառնալ Արևելյան գործընկերության առաջխաղացմանն ու տարածաշրջանային համագործակցության զարգացմանն օժանդակող հարթակ: Հիշեցնենք` Եվրանեստը ստեղծվեց անցած տարվա մայիսին` Եվրոպայի և հարևան 6 պետությունների խորհրդարանականների հարաբերությունները սերտացնելու նպատակով։