Ամերիկայում այս տարին նախընտրական տարի է: Դեմոկրատների և հանրապետականների խնդիրները տարբեր են: Դեմոկրատների թեկնածուն հայտնի է, մնում է միայն փող հավաքել Օբամայի համար: Հանրապետականները դեռ պետք է որոշեն, թե իրենց թեկնածուն ով է: Մի քանի նահանգներում անցկացված նախնական քվեարկությունների արդյունքով արդեն կարելի է կանխատեսել, որ իրենց թեկնածուն Միթ Ռոմնին է լինելու: Նա փողի կարիք չունի: Միայն մի փաստ ասեմ` վերցրեք Ամերիկայի վերջին 8 նախագահներին` Նիքսոնից մինչև Բուշը: Գումարեք բոլորի անձնական կարողությունները ու դա էլի շատ ավելի քիչ է լինելու Ռոմնիի հարստությունից: Բայց հարստությունը ոչինչ չի որոշում: Ընդհակառակը` հենց Ռոմնին սկսեց խոսել հարուստների ու աղքատների մասին, նրա վրա ամեն կողմից հարձակվեցին: