Մոտ երկու շաբաթ առաջ դեղատներում հայտնվել են դեղեր, որոնք գրանցված չեն Հայաստանում: Այսօր այս մասին հայտնել է Հայաստանի դեղարտադրողների և ներմուծողների միության նախագահը: Ըստ Սամվել Զաքարյանի, Հայաստանում կեղծված և չգրանցված դեղորայքի ծավալն ավելացավ այն ժամանակ, երբ Հայաստանի դեղերի և դեղանյութերի ներմուծման ու արտահանման կարգը հաստատելու մասին ՙկառավարության որոշման մեջ 2011թ. փոփոխություն կատարվեց: Փոփոխությունը, որը նախատեսում էր խթանել մրցակցությունը և վերացնել մենաշնորհը, թույլ էր տալիս երրորդ երկրներից Հայաստան ներկրել և վաճառել դեղամիջոցներ, որոնք գրանցված չեն: Արդյունքում այսօր դեղատներում շարունակում են վաճառվել չգրանցված, անգամ ադրբեջաներեն մակնշումով դեղեր: Խնդրի մասին արդեն տեղեկացրել են կառավարությանը և ազգային անվտանգության խորհրդին: