Միգուցե առաջին հայացքից կարող է տարօրինակ թվալ, բայց մոլորակի յուրաքանչյուր տասներորդ բնակիչը ցանկանում է գիրանալ, սակայն, իհարկե, շատ ավելի մեծ պրոբլեմ է նիհարելը՝ յուրաքնաչյուր երկորդը երազում է նիհարելու մասին: Ինչպես ամբողջ աշխարհում, Հայաստանում նույնպես տարեց տարի նկատվում է ավելորդ քաշ ունեցող մարդկանց թվի աճ: Եթե մի քանի տարի առաջ Հայաստանի բնակչության 30 տոկոսն էր համարվում գեր, հիմա այդ թիվը հասել է 50 տոկոսի։ Ու մի ասեք՝ ուրեմն ավելի լավ ենք սկսել ապրել։ Չաղ ու բախտավոր արտահայտությունը, դուք էլ շատ լավ գիտեք՝ իրականության հետ ոչ մի կապ չունի։