Այսօր հրապարակվել են "Հայաստանի ժողովրդագրության և առողջության հարցերի 2010թ.-ի հետազոտության" արդյունքները: Այս տարի հարցման դիտանկյունում ընդգրկվել են այնպիսի թեմաներ, ինչպիսիք են' ծնելիությունը, հակաբեղմնավորման մեթոդների կիրառումը, մոր և մանկան, առողջության, երեխաների սնուցման, մանկական մահացության, առողջության պահպանման օղակների մատչելիությունը, ՄԻԱՎ/ՁԻԱՀ-ի և սեռական ճանապարհով փոխանցվող այլ վարակների մասին իմացությունը: Հայաստանի առողջապահության նախարարության և ազգային վիճակագրական ծառայության համատեղ հետազոտությունն արդեն երրորդ տարին է անցկացվում Հայաստանում: