Հայ-ամերիկյան առողջության կենտրոնի գործադիր տնօրենն այսօր լրագրողների հետ հանդիպման ժամանակ հայտնել է, որ վերջին տարիներին կրծքագեղձի քաղցկեղը երիտասարդացման միտում ունի: Դա, ըստ նրա, հնարավոր է պայմանավորված է նաև այն հանգամանքով, որ ժամանակակից սարքավորումների միջոցով վաղ փուլում են բացահայտում հիվանդությունը: Խաչանուշ Հակոբյանը նշել է, որ ցավալի է, սակայն քաղցկեղի դեպքեր են հայտնաբերվել նաև հղի կանանց մոտ: Մասնագետը խորհուրդ է տալիս, հետազոտվել մինչև ամուսնանալը կամ հղիանալը: Անկախ տարիքից, բոլոր կանայք տարին գոնե մեկ անգամ պետք է հետազոտվեն, խորհուրդ է տալիս մասնագետը: